من نحن ؟
من نحن ..؟
انا اسمي احمد مجدى ، اتخرجت من ادارة الاعمال سنة 2011 ، اتخصصت فى تطوير الاعمال و التسويق ، حصلت علي دورات تدريبية من شركات معروفة زي HP و Google و Udacity و FaceBook واشتركت فى تدريبات عملية فى شركات كبيرة برضوا زي Telecom egypt و Etisalat Misr
اشتغلت مع Telecom Egypt من سنة 2013 ولحد سنة 2015 وقدرت خلال الفترة دي اطور من خبرتي فى مجال التسويق الرقمي و تطوير المشاريع وصممت مشروع لتطوير قسم خدمة العملاء و المبيعات و مركز الاتصالات ، وحققت نتائج ممتازة وقتها .
اشتغلت مع اتصالات مصر من بداية 2016 ولحد 2019 وقدرت اطور من خبرتي ومهارات التسويق كان شغلي بيركز علي استراتيجيات التسويق والمبيعات المختلفة ، خطط للتوسع والانتشار واختراق السوق .
بدات اول مشروع ليا سنة 2019 ، ومع بداية فيرس كوفيد 19 - ابتدى العالم يهتم اكتر بتطوير الاعمال و التسويق الرقمي ، لان طريقة التواصل اختلفت وكمان قوانين السلامه اللي اتفرضت بسبب الفيرس ، ادت بشكل مباشر بركود السوق واصبح اما يكون عندك مرونه وتغير استراتيجية البيزنس بتاعك وتواكب التطورات اللي حصلت واللي اتجهت بشكل مباشر للعالم الرقمي ، او انك تخسر البيزنس بتاعك وتتعرض لخسائر فادحة ممكن مشروعك ميقدرش يستحملها وتؤدي لاغلاق المشروع بشكل نهائي .
هدفى ..؟
ان اقدر اساعد اصحاب المشاريع الناشئة والصغيرة علي تطوير نشاطهم ، اساعدهم علي مواجهة التحديات اللي بتقابلهم من خلال خبرتي فى تطوير الاعمال ، اساعدهم فى التسويق للبيزنس بتاعهم وزيادة المبيعات واستمرار النشاط فى النمو والتوسع والانتشار .
لذلك انا حبيت اقدم المساعدة للمشاريع الناشئه والمتوسطه عشان تقدر تواجه السوق الحالي وتنافس بقوة من خلال تكوين فريق عمل فريد متخصص يملك المهارة الفعلية والمعرفة الحقيقية لتقديم خدمة اعمال متكاملة
مفيش حاجه اسمها انا بسوق بس ماليش دعوة بالمبيعات !
احنا هنتحمل المسؤلية اننا نوصلك لهدفك ، وهنبذل كل جهودنا لتطوير نشاطك عشان تحقق هدفك وتنجح ، لان نجاحك جزء من نجاحنا
نجاحك هو هدفنا .
رؤيتي ..؟
التسويق الرقمي مش بس فيسبوك وانستجرام زي ما ناس كتير اختصرته فيهم ، التسويق الرقم ليه قنوات كتير وقوية بشكل اكثر فاعلية من الفيسبوك وانستجرام ، لازم التسويق الرقمي يكون مبني فى الاساس علي اساسيات التسويق ، لانه مش مجرد بوست او مدونة او صورة او فيديو هي اللي هتخليك تنجح وتنتشر ، التحدي كبير حاليا والمنافسه شرسه في عالم بيتجه للرقمية اليوم بشكل كامل .